NACHIKI WATUUSHINUU SÜNAIN ATKAWAA
Sümaiwa paala, eesü wane wayuuirua naatajatü, kusina shiairua. Mojulaasü ma'in shiairua naajüin naa watuushinnuukana. A'luwajüsü mürülü. Yalajatü kepiain naa'u chi uuchi kanüliakai Ouuipana. Na watuushinnuukana nayouktüin tia wayuukalüirua süka mojulaajüin shiairua.
Nayasa'a na watuushinnuukana, outkajaashii, je namajiraakalaka: Anataasü shiipinnaiwa, ouktüneerü aain tü tooloyuukalü je wataüjeerü tü jieyuukalü. Tü wayuukalüirua shia tü aluwaülü münakalü. Nouutkajaakalaka naa watuushinnuukana. O'unushii saa'u ama süpüla atkawaa sümaa tü kusinakalüirua. Nalü'üjain jatü malaa nasiipa. Akanajuusu tü kusinakalüirua natuma naa watuushinnuukana. Ouktusu kojuya natuma, je wainma tü apantajaakalü. Wopumüinsü sünain apantajawaa. Nnojotsü ale'ejüin süchikuwa'a sulu'umüin tü mmakalü. O'unusu uucho'umüin sünain anujulawaa, eere naya kepiain maaulu. Kepiashii Kolompia, sotpünaa Wajiira, saa'u uuchikalü. Uuchi suumain kusina, münüsü. Je eesü eekai kepiain wiinnaapünaa sünain Cúcuta, sulu'u Norte de Santander, sulu'u Kolompia.
Chaaya wuinpümüin eesü wane mma kanüliasü Kusina münüin, cha Jalaala, shia suumainka tia wayuukalüirua sümaiwa. Je kepiashii naya sulu'u Wenesuweera, sulu'u palaajeeru, a'yataashii sünain apünajaa je sünain epijaa mürülü. Kepiashii naya sa'aka alijuna je sa'aka wayuu. A'yatüshii naya jashichin sümüin wayuu yaajatü, sünainjee tia atkawaa kakaaliaitkalü. Tüü naküjala wayuu laülaayuu sümüin nachooin.
